Como
tódolos anos chama a nosa porta o desenfreo e a risa do Entroido. Supoño que os
máis novos pensarán que o Entroido é algo moi recente inspirado máis na cultura
brasileira que na propia tradición galega. Non lles falta razón cando se ve
desfilar algunhas comparsas. Mais o Entroido, que é así como hai que chamarlle
e non carnaval, forma parte da nosa historia dende hai moito tempo.
O
Entroido nace como festa popular baseada en ritos e tradicións precristiáns. A
igrexa católica, de igual maneira que fixo con outras tradicións, acabará
incorporando e transformando o Entroido nunha festa cristiá. Mais tamén o
Entroido se converte nun dos días en que se debía de pagalas débedas.
Filgueira
Valverde, no seu libro Artesanía en
Galicia, explicaba como os armeiros galegos, en concreto os fabricantes de
espadas, gozaban de recoñecida fama tanto a nivel peninsular como estranxeiro.
Esta fama era a que motivaba o grande número de encargos que recibían: “las entregas se fijaban para carnestolendas
(concretamente para día de “antroydo”) o escalonadas a lo largo de las grandes
fiestas del año litúrgico (Pascua de Flores, Sancti Spiritus, Santiago, Todos
los Santos o Navidad)”.
Non
estaba nada errado o señor Filgueira Valverde na súa afirmación. Se consultamos
a obra de don Henrique Cal Pardo sobre a catedral e o bispado de Mondoñedo
atopámonos varias referencias ao Entroido como data de pago. Así por exemplo
hai un documento do 18 de xullo de 1314 no que se pode ler como o Cabido
mindoniense afora por dous anos o dereito que a catedral tiña sobre a igrexa de
Viveiro. Cando se estipulan as datas para pagar dise: “et pagardesnoslos por los terços do anno, a terça por San Martinno, a
terça por entroydo e a terça por Sancti Spiritus”. No ano 1330, o 15 de
maio, o cabido aforaba a Xoán Pérez unha casa que tiñan na rúa de Sindín, en
Mondoñedo, estipulando entre outras cousas que: “vos avedesnos a dar cada anno en foro de la paga o comunete por
entroydo quarenta soldos”. Tamén nun documento de foro do 27 de xaneiro de
1350 lemos que os prazos para pagar eran: “a
metade por la festa dagosto primeyro que ven et a outra metade por entroydo
siguinte et assy en cada anno”
No século XVI continuábase con esta
tradición de pagar polo Entroido. Así o vemos nun documento do 29 de outubro de
1571 no que Alonso Preste, veciño de Vilapedre: “se comprometió a pagar en antroido (comienzo del año) a Bartolomé Rico,
vecino de Mondoñedo, 31 reales”. Ou noutro documento do 13 de setembro de
1585 no que se nos fala da débeda que dous cóengos manteñen co mosteiro de San
Martiño dos Picos. A débeda era de 16 reais, dos que 10 debían de ser pagados o
día de San Martiño “y los 6 restantes por dia de antroido, que es dia de carnes tollendas”. A derradeira mención que
anota don Henrique sobre o pago en Entroido data do 21 de setembro de 1565. No
documento redactado nesa data podemos ler como Alonso López, veciño de Celeiro
de Mariñaos e zapateiro de profesión, recoñece adebedar a Pedro Fernández,
tamén zapateiro e veciño de San Martiño, a cantidade de 8 ducados. Comprométese
a pagalos da seguinte maneira: 3 o día de San Martiño, 2 o día de Entroido e 3
o día de Pascua de Florida.
Se consultamos o apeo de bens de San
Martiño de Mondoñedo, redactado no ano 1540, podemos ver que entre os distintos
impostos que os veciños tiñan que pagar figuraba o da yreta”, que consistía en que cada cabeza de familia desta parroquia
tiña que levar un carro de leña cada ano ao mosteiro de San Martiño. En caso de
non poder levar o carro de leña o cabeza de familia podía substituílo pagando “un cabrito por Pascoa o por Antroydo”,
deste imposto están exentos de pagalo os fidalgos. Como non podía ser doutra
maneira os que máis teñen son os que menos queren pagar, algo que aínda estamos
a vivir hoxe en día.
¿Cómo
se celebraba o Entroido no Foz de finais do XIX?
Podemos
responder a esta pregunta despois de consultalas Ordenanzas do Concello de Foz do ano 1899. Nelas atopamos que do
artigo 40 ata o 45, ambos incluídos,
estipulábase como debería de transcorrer o Entroido focego:
“40.-
En
los días de Carnaval se permitirá andar por las calles con disfraz, careta ó
máscara, pero se prohíbe usar trajes que imiten los de la Magistratura, los
habitos religiosos, los de las ordenes militares y los uniformes que estén
designados a ciertas y determinadas clases oficiales.
41.-
Se
prohíbe asimismo à las mascaras hacer parodias que puedan ofender à la religión
del Estado, à los demás cultos tolerados por las leyes y a la decencia y buenas
costumbres, insultar a las personas con discursos satiricos, bromas de mal
genero o expresiones que ataquen el honor y reputación de las misma y usar
palabras o ejecutar acciones o gestos que puedan ofender la moral y el decoro.
42.- Los enmascarados no podrán llevar armas
algunas por las calles ni en los bailes, bajo ningún pretesto.
43.-
Solamente
la Autoridad ó sus delegados podrán obligar à quitarse la careta á la persona
que hubiere cometido alguna falta ó producido disgustos ó cuestiones con su
comportamiento.
44.-
No
se permite que en los días de Carnaval se pongan mazas à las personas que
transiten por las calles, ni que se arroje à nadie agua, harina, ceniza u otros
objetos, materias ò substancias que puedan ensuciar ò causar daños.
45.-
Los
enmascarados que faltaren à cualquiera de las prescripciones contenidas en los
artículos anteriores, ò a lo que se disponga en los bandos que se publiquen
serán detenidos inmediatamente por los agentes de la Autoridad y puestos à
disposición de ésta para los efectos à que hubiere lugar”.
Da
anterior relación de ordenanzas chámanos poderosamente a atención dous datos
que imos comentar.
O
primeiro fai referencia á prohibición de tirar auga, fariña, cinza ou lixo a
outras persoas pola rúa. A aparición da fariña no Entroido focego lévanos
inmediatamente ao domingo fareleiro de Xinzo de Limia.
Penso
que a tradición de tirarse cousas que manchan no Entroido estaba bastante
estendida en Galicia. Ata de agora tan só puidemos consultalas Ordenanzas de
Foz (1899), as de Ribadeo (1861) e as do Carballiño (1898). Nestas últimas
podemos ver como se prohibe polo Entroido “el
uso de aparatos e instrumentos que por su ruído molesten al vecindario, ni
arrojar ni colocar substancias u objetos que manchen ó causen daño à los
transeúntes”.
Nas
de Ribadeo podemos ler no artigo 30 o seguinte: “Se prohibe ademas en dichos días espresamente arrojar aguas ó basuras,
tirar huevos y poner mazas”.
Cando
unha tradición está fondamente arraigada costa bastante facela desaparecer.
Pensemos que as Ordenanzas de Ribadeo son do ano 1861 e que as de Foz son de
1899. Pasaron 38 anos e aínda se continúa a prohibir o mesmo, feito que nos
deixa claro que a tradición de tirar fariña, auga, cinza, ovos e outras
materias seguía viva. Non fomos quen de conservar esas tradicións, algo que si
se conseguiu no Entroido ourensán.
A
segunda cousa que nos chamou poderosamente a atención, e que non atopamos
referencia algunha a ela nin nas ordenanzas de Ribadeo ou Carballiño, é a prohibición que recae sobre o acto de: “insultar a las personas con discursos
satiricos, bromas de mal genero o expresiones que ataquen el honor y reputación
de las misma y usar palabras o ejecutar acciones o gestos que puedan ofender la
moral y el decoro”.
Supoñemos
que esta prohibición fai referencia ao que hoxe coñecemos como as coplas. Esas
composicións satíricas nas que se critican aspectos políticos e sociais do noso
concello. Actualmente no programa do Entroido deste concello figuran dous espectáculos con
coplas. As que se len o día do pregón e as que se recitan no Touporroutou. Este
último acto xurde tralo esforzo da asociación cultural A Pomba do Arco no seu
desexo de recuperar esa tradición das coplas focegas.
Se
ben hoxe en día as coplas non teñen censura previa, polo menos as que se len no
Touporroutou, non sempre foi así. O xornal asturiano Región aparece un artigo no seu número do 10 de febreiro de 1926 no
que se pode ler: “para el conocimiento de
los interesados, el alcalde (estase a referir ao de Xixón) recuerda que todas
las coplas o escritos semejantes, tan prodigados por el carnaval, deben ser
previamente autorizados por la alcaldía, atribución independiente de la previa
censura para la prensa”.
Despois
de todo o que temos lido, sobre todo as prohibicións, pensamos que os tres días
do Entroido eran de festa continuada, con moita xente pola rúa e nos bailes
divertíndose, aínda que non sempre acontece iso. Se lle facemos caso ao xornal El Progreso (10 de febreiro de 1910) o
Entroido de Mondoñedo dese ano non foi nada animado. Afirman neste xornal que a
noticia aparecía no periódico Mondoñedo,
nel podíase ler: “el carnaval en aquella
ciudad estuvo por completo desanimado. En las calles nada; y el baile del
domingo en el Casino, con una temperatura glacial”.
Fotografía sacada da revista Bolanda. Cadernos de historia fozega. Vol. 1, Páx. 119.
En
Foz, tal vez porque nos afecta máis a brisa do mar, o Entroido eran días de
festa continuada. Debía de ser tal o número de persoas que acudían à nosa vila por estas datas que se fai
coincidir a inauguración do Casin-Salón coas datas do Entroido: “El pasado domingo y con ocasión del
Carnaval, se inauguró en Foz un Casino Salón, en local construido al objeto,
que resulta excelente. Mide veinte metros de largo por diez de ancho y tiene un
magnífico corredor ó azotea capaza para trescientas personas”. ( Xornal El Progreso, 1912, 25 de febreiro).
Non
menos animado foi o Entroido focego dos anos 1933 e 1934. Se no primeiro sae á rúa a comparsa Carnestolendas, no segundo sae a comparsa dirixida por Bustamente: “con la
denominación de Agrupacion de marnieros del puerto de Foz, constituyeron unos
cuantos rapaces y lindas rapaciñas, bajo la animosa batuta de Bustamante, un
simpático coro que ejecutando canciones de muy buen gusto fue acogido con
simpatía en todas partes, cosechando muchos aplausos. La agrupación referida,
que ha depositado su bandera en el Pósito de Pescadores, vino a demostrar las
posibilidades artísticas de nuestra juventud si con tiempo y constancia se
educan y cultivan, lo cual contibuiría al progreso moral de nuestro pueblo.
También amenizó
nuestros carnavales la pintoresca comparsa Los Criollos, organizada por un
grupo de muchachos de buen humor que, con instrumentos de cuerda y su
correspondiente jazz-band, pusieron una nota agradable en nuestras
Carnestolendas. Con más ensayos y mimbres serían capaces estos criollos de
emular a los mejores rondallistas.
A unos y a otros
agradecemos la visita que nos hicieron, así como a de la bien afinada rondalla
de Cillero (Vivero) que, de paso para otros puntos, estuvieron en Foz
ejecutando selectas composiciones”.
(Xornal El Progreso, 1934, 20
de febreiro).
Para
unha maior información sobre a comparsa Carnestolendas
recomendo a lectura do artigo de Ramón
Ermida e Mónica Pazos titulado Vida
e obra de Manuel Lugilde Penelas, que se pode atopar na revista de estudos
focegos Bolanda, no seu número 1,
páxinas 103 a 142.
Transportes.
