Buscar este blog

martes, 14 de febrero de 2017

AS 3 MORTES DE ELVIRA DARÍO. UNHA XUDÍA NO RIBADEO DO S.XVI.




Elvira Darío morreu tres veces: a primeira cando a abandona súa nai; a segunda cando seu pai a manda criar nunha casa allea e a terceira cando se lle impide ser educada na súa relixión, na súa cultura e na súa lingua. A morte física entendémola máis como unha liberación que como un final. Seguro que a Elvira, bautizada e criada por cristiáns, a xente de ben nunca lle permitiron esquecer a súa orixe xudía, da que, por desgracia, o descoñecía todo.

Quen era esta Elvira Darío e que facía no Ribadeo do século XV?

Para contestar a esta pregunta debemos de situarnos na cidade de Mondoñedo a mediados do mes de febreiro de 1659. Nesa data as tropas mindonienses marcharan, encabezadas polo cabo de milicias don Antón de Carballal, a combater nas guerras con Portugal. Quedaba na cidade como cabo de milicias o fillo de Antón, don Carlos Carballal.

Atopábase este paseando pola praza da catedral cando se encontrou con Álvaro de Miranda, con Pedro Carlos, irmán do anterior, co cóengo mindoniense Fernando Vázquez de Baamonde e co licenciado Antón Maseda. Este último discute con Carlos de Carballal e no calor da disputa o cabo de milicias chamoulle Xudeu, a resposta de Antón Maseda non se fixo esperar: “¡ A mi judio, mentis como villano, seanme todos testigos que me llamo judio!”.

Isto que semella unha verdadeira tontería rematou en xuízo, aínda que non o podamos crer. Despois das declaracións testemuñais podemos ver como xudicial aparecen as filiacións xenealóxicas dos dous contendentes.

A de Carlos de Carballal afunde a súas raizames en familias fidalgas de cristiáns vellos mentres que polo contrario a de Antón Maseda atópase cunha  ascendencia xudía.

Se ben na relación presentada por Antón Maseda non hai referencia algunha á súa orixe hebraica, na documentación acreditada pola parte contraria, Carlos Carballal, si se menciona uns documentos que testemuñan esa orixe xudía: “autos y probanças de un pleito litigado en Valladolid en la Sala de Hijosdalgo por Vasco Rodriguez ... cuya causa parece tiene origen en el año 1544 el Bachiller Vasco Rodriguez puso cierta acusacion ante el Obispo de Mondoñedo contra Ines Alonso, muger de Pedro Fernandez da Mota”.  Neste preito de 1544 o bachaler Vasco Rodríguez da Retorga, médico en Ribadeo, denuncia a Inés Alonso porque esta lle chamara xudeu. Nas preguntas que se lle realizarán ás testemuñas o avogado defensor da citada Inés incorpora unha cuestión que fai referencia á orixe do pai do citado bachaler.

A esta pregunta responde Álvaro Fernández do Casal, tío por parte de nai do bachaler, quen afirmaba que “conocio al Maestre Pedro, padre del dicho bachiller Vasco Rodriguez, que vino a Galicia en una nao que aporto  al Alfoz de Ribadeu, e se dezia, que dicho Maestre Pedro, e maestre Diego, su padre, venian juntamente con otros Judios en dicha nao, no sabe si venia desterrados o no, sino que se dezia y era publico, que los sobredichos, y otro que llamavan Maestro Lope, despues de desembarcados en tierra se bautizaron, siendo hombres y maestres de Physica e se tornaron cristianos”.
Outra testemuña é Aldonça Martínez, unha criada que traballaba en Ribadeo e que aporta gran cantidade de datos, de aí que decidíramos transcribir integramente esta declaración.
Atopábase Aldonza: “sirviendo en Ribadeu a unos amos que señala, vio como aporto una Nao con Iudios al Puerto de Ribadeu, que dezian venian huidos, que el Rey los mandava salir de sus Reynos, y que vio que Maestre Pedro, padre de dicho Bachiller Vasco Rodriguez, e Maestro Lope, su hermano, e Maestro Diego, padre de ellos, salieron en la dicha villa de Ribadeu, y con ellos una muger, que ddezia era muger del dicho Maestro Pedro, y se fueron a vivir a una casa que la testigo señala y alli vio acordaron de se bautizar y teniendo dos bueyes muertos y carneros para se bautizar un dia Sabado, se avian de bautizar al Domingo”.


Polo que podemos entender este grupo de naos cargadas de xudeus chegaba a Ribadeo como resultado da orde dada polos Reis Católicos a finais do século XV e coñecida como o Decreto de Expulsión, segundo a cal tódolos xudeus residentes no territorio español terían un prazo breve de varios meses para bautizarse ou ben abandonar España. Moitos deles embarcaron con diferentes destinos, correspondéndose estes que arriban a Ribadeo a un de tantos grupos de naos que con xudeus saían de España. Por desgracia descoñecemos de ónde viñan e para ónde ían, tan só sabemos que atracaron en Ribadeo.

Despois do declarado anteriormente, Aldonza a primeira das mortes de Elvira, o momento en que  é abandonada por súa nai: “ estando la testigo en casa dellos, la dicha muger dixo a la testigo fuesse con ella a la Ribera, y se fueron, y dicha muger (que venia parida de poco) se metio en el Bagel y se fue a la Nao con otros hombres que en el Baxel estavan y dixo a la testigo que luego venia, y estandola esperando llegaron dichos Maestro Pedro, Maestro Diego y Maestro Lope y le preguntaron a dicha muger y les respondiò se metiera en el Baxel y se fuera al Navio; y que ellos la empeçaron a llamar dando gritos, la qual no les respondio, antes la Nao levanto velas y se fue del Puerto, y que dichos Maestro Pedro y su padre y su hermano, se tornaron ala villa y a su casa”.

A muller de Maese Pedro, ante o inmediato bautizo do seu marido, sogro e cuñado, decide deixar todo en Ribadeo e marchar cos homes e mulleres da súa relixión. Isto podemos entendelo, mais, cústanos un pouco comprendela razón do abandono da súa filla, probablemente se deba a que si embarcaba con ela o seu marido podía denunciala por secuestro e  a xustiza podía obrigala  abaixar do barco.

Pouco despois de marchar os  exiliados hebraicos, os tres mestres desembarcados bautízanse: “ y al otro dia, Domingo, se bautizaron en la Iglesia de Santa Maria de la villa de Ribadeu, y los vio la testigo bautizar a todos tres de pie, desnudos, que no tenian sino unos pañicos calços, que se usavan al tiempo, y que seria de edad Maestro Pedro, 20 años, Maestro Lope, 15, Maestro Diego , 50 y de alli tomaron los dichos nombres, el uno Maestre Pedro, el otro Maestre Diego y el otro Maestre Lope, que antes no sabe como se llamaban. Y que en dicho dia tambien bautizaron a una niña que avia dexado la dicha muger que se fue y le pusieron por nombre Elvira Dario, y afirma la testigo que la vio bautizar por vista de ojos y se hallò presente”.


Mestre Pedro, que exercía a profesión de médico,  de igual maneira que seu pai e irmán, logo casaría cunha muller cristiá: “ Y que entraron usando oficio de Medicos y fueron a hazer una cura a Alonso Lopez de Nabia, el qual tenia por criada a Sancha Lopez y despues que hizieron la cura dicho Alonso Lopez casò dicha Sancha con dicho Maestre Pedro y despues de casados se tornaron a vivir a Ribadeu y tuvieron por hijo a dicho Bachiller Vasco Rodriguez. Y de alli se fueron al lugar da Retorga”.
Unha vez casados Pedro e Sancha a presenza con eles da filla do primeiro vólvese molesta, de aí que mestre Pedro se desfaga dela, tal e como nos conta a testemuña Xoán López de Piñeiro, que nos di que mestre Pedro “tenia una niña pequeña que la queria dar a criar y la dio a unas personas que señala”. Esta é a segunda das mortes de Elvira, abandonada por seu pai é criada por outra familia.
Como mencionamos anteriormente mestre Pedro e Sancha López tiveran por fillo a Vasco Rodríguez da Retorga. Este bachaler exercerá en Ribadeo a mesma profesión que seu pai, médico, tal e como podemos ver na acta municipal de 1550, resumida por Méndez Sanjulián, : “y el pueblo pidió que se la separase del trato de las gentes y que el médico Bachiller Vasco Rodríguez da Retorga y Maestre Francisco, cirujano, declarasen bajo juramento que María era malata”.

O fillo de mestre Pedro, Vasco Rodríguez da Retorga, casará con María Iañez e desa unión nace Vasco Rodríguez de la Vega, quen en 1573 entabla preito para que se lle recoñeza a súa fidalguía. No ano 1583 “se dio sentencia por los Alcaldes de Hijosdalgo, declarando a dicho Basco Rodriguez de la Vega por llano y pechero”, sentencia que se confirma en 1588 polo presidente e oidores da Real Chancelería de Valladolid.

Esta ascendencia hebraica, por moito que se bautizaran, pesou sempre na familia dos Maseda, aos que nunca lles permitiron esquecer a súa orixe, polo menos mentres viviron en Mondoñedo: “que muchas vezes, y en diferentes ocasiones en Mondoñedo y en otras partes, llamaron al padre, abuelo y bisabuelo de don Antonio Maseda publicamente Judios y Christianos nuevos”.

Un exemplo deste lembrarlles a súa orixe xudía ten lugar, no ano 1629, na cidade de Mondoñedo, así nolo conta Alonso Ledo que traballaba na cidade da Paula : “usando el oficio de Tundidor en la ciudad y teniendo su banco debaxo de los portales  de la casa en que vive Bartolome Ares Maseda, el viejo, que està en la cabecera de la plaça, un dia que no se acuerda, estando trabajando, viò que Bartolome Ares Maseda y Alvaro Luaces, Capitan y Regidor, estavan en la plaça junto al banco del testigo, o quatro braças, poco mas o menos, y Alvaro de Luaces tuvo palabras con Bartolome Ares Maseda, y entre algunas que le dixo, oyò el testigo le dixo estas formales palabras “Vayase con el diablo, que es un Iudio”, y Bartolomè Ares Maseda le respondio: “Vayase con el diablo, que es un viejo loco” y a esto se hallò presente  Ares Fernandez de Villamil, que los aparto y no se hallò otra persona presente ... y antes que hubiese sucedido lo que lleva referido Alvaro de Luaces tuvo con el testigo una sinrazon, que le obligò a quitar una daga para matarle y lo hiziera sino se lo impidiera el Licenciado Marfularia ( Supoñemos que quere dicir Marful Arias) de Ribadeo, que le agarrò del braço de la daga, y se la detuvo, y fue por averle llamado al testigo villano”.

Este suceso violento entre Bartolomeu Ares Maseda e Álvaro de Luaces acaba rematando ben, así nolo conta Pedro Rodríguez, un zapateiro de 37 anos e natural de Vilanova de Louenzá, que nos di que “al otro dia supo el testigo, que Isabel Díaz, muger de Alvaro de Luaces, que lo era de mucho porte y calidad, aviendo tenido noticia de la pendencia, avia reprehendido  a su marido y a Bartolome Ares, dixiendoles que eran unos locos y les hizo amigos, como despues lo fueron muy intimos y Alvaro de Luaces le dio la vandera de su compañia, haziendole su Alferez, que la sirviò hasta que la pasò en Bartolome Ares Maseda, su hijo, aviendola tenido antes mucho tiempo. A la pregunta dize que Alvaro de Luaces era rico, poderoso y colerico”.

Mentres que os sucesores do mestre Pedro  se pelexaban xudicialmente para quitarse de enriba a súa orixe hebraica, Elvira Darío vivía apartada deles, criada nunha casa allea e afastada, tanto da súa nai como de seu pai, e sobre todo da súa herdanza cultural. Sendo esta, o vivir allea a súa cultura, a terceira das mortes de Elvira Darío.




1 comentario: