Debuxo de Marcos Moral Campos.
Hai
casais que teñen moita máis historia do que pensamos, probablemente coñecemos o
nome deles e pensamos que poden ter, como moito, uns cen anos. Mais non é así.
No
lugar de Forxán existen dous casais que chegaron, senón en pe si na toponimia,
ata os nosos días, estoume a referir ao casal o do Mariscal e o da Portela.
Hoxe
abordaremos o tema do segundo casal deixando o do Mariscal para un posterior
artigo.
O
termo Portela, segundo o dicionario da Real Academia Galega, significa: “pequena abertura que se fai nun valado ou
parede para que poida pasar o gando, o carro, a maquinaria ou as persoas. Porta
rústica, parecida á cancela, que ás veces cerra esa abertura”.
Dende
cando existe o Casal da Portela?
Documentalmente
non sabemos nada del ata o ano 1540, mais iso non quere dicir que non existise
con anterioridade.
Sabemos,
por un documento redactado en Marzán o 6 de abril de 1400, que aínda non
existía. Neste documento realízase un reconto das herdades que o Cabido
mindoniense mercara a Pedro Fernández de Sante e a Álvaro Marqués, todas elas sitas
en Marzán. Na citada relación de fincas fanse dúas mencións ao lugar da Portela,
mais ningunha ao casal do que estamos a falar: “Iten outra herdade que era de promeo (pegada ao) o casal do Foio, que esta hermo con su
cortinna commo departe da herdade de Diego Ferrollo et da outra parte de Mayor
de Marçan et da outra parte de Rodrigo Yanes de Burella et da outra parte da
antigua publica, que leva hun çelemin promeo a outra cortinna de Portela que
leva dous celemins como departe da herdade do bispo et da outra do comaro et
das duas do camino”. A segunda di :
“Iten outro terreo en Portella que leva hun çelemin commo departe da herdade de
Mayor Rodrigues et da outra da herdade de Diego Ferrollo et da outra do bispo
et en fondo do comaro”[1].
Debemos
agardar ata o ano 1540 para ter noticias documentais deste casal. Nese ano
lévase a cabo o apeo de bens do priorado de San Martiño de Mondoñedo. Entre as
testemuñas reunidas polo Cabido aparece Roi Pérez, cura párroco de Santiago de
Foz e de 66 anos. Esta testemuña ao mencionar as propiedades que o mosteiro
tiña no lugar do Prado da Lama fai referencia a unha finca coñecida como Os
Fornos, de catro choupíns de extensión, que lindaba cunha serie de prados
“uno de Pero Mariño y otro de Francisco Palmeyro, que fue de la caseria del
Mariscal e de otra parte en heredad de la caseria de Villamayor del dicho
Cabildo, que lieva Diego de Rio e de otra parte en heredad de Lope Martinez de
Forjan, e de otra parte en heredad que fue de Ruy Guerra e de otra parte en
heredad de Pero Afonso e de Pero Franco e que la labran unos labradores y otros
e dan della el sesmo que sea segado e puesto en la meda”[2].
Pode
pensar o lector que na referencia anterior non se menciona o casal da Portela,
pero fixémonos en que Diego de Río levaba a casería de Vilamaior, que pertencía
ao Cabido mindoniense. Nun documento datado o 30 de outubro de 1548 Cabido
ordenaba ao seu avogado “poner las
demandas por la casería de Portela a Diego do Río”.[3] Polo tanto o casal de
Vilamaior que levaba Diego de Río en 1540 ben a ser o casal da Portela. Para
poñer fin a esa incorrecta ocupación o día 11 de xaneiro de 1549 o Cabido
aforaba a“Diego de Río, vecino de San
Martín de Mondoñedo, el viejo, por dias de su vida y de la de uno de sus hijos,
nietos y bisnietos, la casería de Marzán, que se llamaba da Portela, con todas
sus heredades, que se enumeran y ascendían a unas 46 en total, sitas en
diversos lugares como Prado da Lama, Chao, Fornos, Arnado de Aveas, Veiga da
Cadra, Pedreira, Lagoa, Moreiras, Sabrón, Veiga do Castro, Miñanoces,
Monte dos Fondoes, Fojo, etc. Debería
pagar 1000 maravedís por día de San Martín y edificar, en el plazo de dos años,
una casa en la dicha casería de Marzán, de paredes, madera, losa o teja, todo
ello a su costa. En caso de no realizarlo así, la caserí y foro quedarían a
disposición del Cabildo”.[4]
Non
imos falar moito de Diego de Río, o vello, porque queremos facer un artigo
sobre a fortaleza e a casa solar de Río. Dicir tan só que este Diego de Río
estaba casado con Berenguela López de Moscoso e que faleceu antes do 25 de
setembro de 1553, pois nesa data a súa dona preitea co Cabido de Mondoñedo: “viuda de Diego de Rio, con su hijo Diego de
Río, el mozo, vecinos del coto de San Martín, sobre el lugar da Portela.”[5]
Perdemos
de vista o citado casal de Portela ata o ano 1756. O día 9 de marzo dese ano o
Cabido de Mondoñedo aforaba, por un espazo de 100 anos, o lugar da Portela e as
herdades a el anexas ao presbítero Francisco Cao de Cordido, veciño de Foz.
Neste
foro menciónanse varias fincas, entre elas unha situada na cabeceira do Prado
da Lama, en concreto no lugar coñecido como Jabrón, que lindaba dunha parte: “camino serbentiaa que por alli pasa y dibide
âcienda del mencionado Simon Mañon, por la parte de arriba”. Na veiga do Castro de abaixo aparece outra: “y atras de la capilla de San Juan de dicho
lugar de Marzan”, trátase dunha leira que ten un ferrado de extensión e
que: “testa al Nordes y Lebante con
heredad de Don Jospeh Rebellon (...) y
por el lado del Poniente con otro cercado de la muger de Domingo Nuñez de
Billarmea y por la parte del bendabal en un comaro alto que dibide âcienda que
lleban Thomas Blanco y Luis Billapol y este como marido de su muger hija del
dicho familiar Agustin da Fraga”.
O
Casal da Portela pasa a mans da familia Rodríguez Villarmea.
Defunción de Pedro Rodríguez de Villarmea. Foto de Gonzalo Villarmea.
Todas
as propiedades vinculadas a este foro acabarán pasando a mans da familia
Rodríguez de Villarmea. Sabemos que o día 31 de xaneiro de 1756 o licenciado
Filipe Ramos, tesoreiro da Catedral adoptaba a seguinte resolución sobre as
fincas e o Casal da Portela “se las dio
en arriendo a Pedro Rodriguez Billarmea, vecino de la mesma feligresia por
termino de nuebe años que principiaban a correr y contarse en el espresado de cinquenta
y cinco”[6],
en concepto de arrendamento o citado Pedro Rodríguez de Vilarmea debería
pagar a cantidade de 18 reais anuais.
O
día 28 de xuño de 1771 o Cabido mindoniense aforaba o citado casal a Rosendo Solveira,
cóengo de Mondoñedo, pola cantidade de 532 marabedís anuais. O casal estaba
composto por un total de 46 pezas.
En
1795, data na que se realiza unha revisión destes bens, a posesión do casal estaba
en mans da familia Rodríguez Villarmea pois o citado cóengo mindoniense cedera todos
eses bens: “se hallò que el citado señor
Solveira los ha cedido todos a Doña
Josefa Fernandez Solbeira viuda de Don Pedro Villarmea y a Francisco Moreda,
todos vecinos de la feligresia de Foz, los que se han dividido entre Don
Rosendo, Don Thomas y Don Pedro Villarmea, hijos de doña Josepha”.
Don
Pedro Rodríguez de Villarmea, casado con dona Xosefa Fernández Solveira posuía
en 1753, tal e como se anota no Catastro do marqués de Ensenada, unha casa dun
alto (baixo e planta alta)no lugar do Foxo, de 15 varas de fronte por 8 de
fondo ademais doutra casa terrena (tan só planta baixa) no lugar de Marzán de 6
varas de fronte e 11 de fondo.
O
casal do que estamos a falar estaba composto por un total de 46 fincas. Trala
morte de don Pedro, en 1771, as fincas repártense entre os seus fillos. No ano
1795 realízase unha comprobación das fincas e dos seus actuais posuidores,
quedando da seguinte maneira:
Finca nº1. A casa principal sita no
lugar de Marzán, tal e como se recolle na documentación, “con sus alpendres, alto y bajo, maderada y perfectada de todo lo
necesario, su cozina, su orno, tres sobrados pequeños a los lados, entradas y
salidas; un pedazo de parra, como medio jornal de era, huertos y sitio de
pajares y una pieza de cortiña a la parte del poniente de dicha Casa
yncorporado todo uno con otro como solia testar en el lugar y casa de
Berenguela Sanchez y sus yjos y en casa y cortiña de Pablo Guerra y en camino
que va de Marzan para el rrego de Foz y aora se alla zerrado de sobresy entre
paredes y vallados, testando de la parte de arriva al vendaval en el camino
publico que va de Marzan para el rego de
Foz y a la yglesia y otras partes por el lado de el levante de el sol y nordes
en cortiña de el vinculo de Don Joseph Revellon”. Tócalle a Rosendo
Villarmea, que en 1795 aínda a posuía[7].
Finca nº2. Trátase dunha herdade que
está “junto al rrego de Marzan que sale
de la fuente para donde llaman Areas, de sembradura media fanega de pan zenteno
que solia testar con eredad y lugar de Juan de Linares de Foz y en eredad de
don Juan Pardo y aora llaman de la cortiña do Fojo”. Di no documento que
estas dúas propiedades as levaban á metade “la
casa de Villajuane, sita en dicha feligresia de Foz de que es actual poseedor
don Francisco Andres de la
Varrera , vezino de la ziudad de Santiago y Pedro Rodriguez
Villarmea, difunto, que avito la casa”. Esta propiedade tócalle a Rosendo
que en 1795 aínda a posuía.
Finca nº3. Unha leria de medio
ferrado de extensión sita na Veiga da Cadra. Tócalle a Rosendo, quen a posuía
en 1795.
Finca nº4. Na veiga da Cadra, unha
finca de herdade e campo, de 9 ferrados, seis de herdade e 3 de campo, estes
últimos lindan “por avajo en el arenal de
la mar”. Tocoulle a Tomás que venderá un terzo dela a Francisco Fernández.
Finca nº5. A quinta é unha peza de
herdade sita na veiga da Cadra que limita co mar e con propiedades de Francisco
Luazes, de Mondoñedo, Juan de Rancaño, do Valadouro e de Simón Revellón “y llaman al presente donde se alla esta
pieza la fuente de Llàs y esta mitad con la otra mitad que es de dicha Casa de
Villajuane”. Esta finca tocoulle a Pedro, fillo de Pedro Rodríguez de
Villarmea, que venderá antes de 1795 a Pedro Maañón.
Finca nº6. Unha finca na Veiga da Cadra
dunha fanega de extensión. Esta finca tocoulle a Tomás que a venderá a Xoán de
Moreda, o que a posuía en 1795.
Finca nº7. Unha finca sita na veiga de
Cadra, de tres ferrados de extensión, testa polo “nordes en el camino de carro que vaja de la fuente de marzan por la
veiga para la mar”. Esta finca tocoulle a Pedro que a posuía en 1795.
Finca nº8. Tamén nesta veiga da Cadra
unha finca de medio ferrado, que entre as súas lindes figura “por la caveza con eredad de el Cavildo y
camino que va al facho y lagoa”. Esta finca tocoulle a Francisco Moreda,
que a posuía en 1795. A lagoa á que se refire son as leiras ás que hoxe
chamamos As Lagoas, onde edificaron as Torres de Foz. O facho do que se fai
mención debe tratarse da atalaia, empregada nun principio para avistar baleas,
e que posteriormente se dedicou á vixilancia das costas.
Finca nº9. Situada na Veiga da Cadra, de
medio celamín de pan, testa con herdades de Xoán Mariño, “por una parte, por otra en heredad de don Juan Pardo y por la otra en
la mar”. En 1795 esta finca posuía Pedro.
Finca nº 10. Na Veiga da Cadra, unha
finca dunha fanega de extensión “testa
con eredades de Sevastian Revellon y de Pablo Guerra y aora llaman donde se
alla Moreiras”. Tocáralle en herdanza a Tomás, que a vende, sendo o seu
posuidor en 1795 Isidro Fernández.
Finca nº 11. Na Veiga da Cadra unha
leira longa de tres ferrados que “solia
testar en eredades de Alvaro Perez Osorio y de Domingo da Varreira y de la
yglesia de Foz y aora testa por la ladera de arriva al vendaval con la eredad
de la obra pia de dicho Alvaro Perez, por avajo tirando a la mar con eredad de
la viuda de Juan de Manin de Marzan y eredad de la yglesia de Foz, por el
levante y nordes con eredad de don Simon Revellon y al poniente con eredad de
dicha viuda”. En 1795 esta finca seguía en poder de Pedro.
Finca nº 12. Na Veiga da Cadra unha
finca de tres ferrados que testaba con herdades de don Sancho Pardo, de Diego
Sánchez e de Domingo da Rúa “y aora se
llama de avajo da Pozeira”. Tocáralle a Tomás quen a venda a dona Ramona
Osorio.
Finca nº 13. Na Veiga da Cadra unha
finca de 10 ferrados preto do lugar coñecido como Prado da Lagoa e que “solia testar en prado de Sevastian Revellon,
en la Lagoa y en eredades de Pedro Saavedra y de don Juan Pardo y aora testa y
linda por el poniente en camino que vaja de la fuente de Marzan para la mar y
por el carreiro de Natal (…) por la parte del Levante y Nordes en camino que vaja de la congosta de Foz y
boqueira de Cantel para Area y a la mar y divide eredades del prado da Lagoa de
dicho Revellon y de la obra pia de Alvaro Perez Osorio y por la parte de la mar
donde aze punta testa con la yncorporacion de dos caminos”. En 1795 esta
finca, de 10 ferrados, sete pertencían a Rosendo Villarmea e tres a Francisco
Moreda.
Finca nº 14. Na Veiga da Cadra unha
leira dun ferrado que linda con herdades de Caetano Samaniego e con herdades de
Pedro Carlos de Quiroga “que fue de
Alvaro Perez de Osorio”. En 1795 pertencía a Rosendo.
Finca nº 15. Na Veiga da Cadra unha
finca de catro ferrados de pan que testaba con herdades de Domingo da Barreira
e fincas que foran de Álvaro Pérez, esta finca era coñecida co nome da Poceira.
En 1795 pertencía a Pedro Villarmea.
Finca nº 16. Na Veiga da Cadra, no lugar
coñecido con nome do Cantel había unha peza de herdade de media fanega. En 1795
pertencía a Rosendo.
Finca nº 17. Na Veiga de Lourido unha
finca de 5 ferrados que testaba “por
avajo, mirando a la mar en un comaro y zerrume y divide la Veiga da Cadra, por
arriva al vendaval testa en la pared que divide el camino que va de Marzan para
el Rego de Foz (…) y a esta dicha pieza llaman aora de Cantel”. En 1795
destes 5 ferrados pertencían a Tomás 1 e a Rosendo 4.
Finca nº 18. Na Veiga de Lourido unha
finca de 4 ferrados á que se coñece co nome Do Jabron, que testaba por parte de
abaixo “tirando a la mar en la entrada y
canzela de la mesma veiga y camino que va de Marzan para el Rego de Foz y por
el lado de arriva en un comaro a los que divide eredades que llaman Casa do
Ôme, por el levante y nordes con eredades de Simon Revellon”. Esta finca tocáralle
a Tomás quen vende 2 ferrados a dona Ramona Osorio e outros dous cámbiaos con
Xosé Cancio, recibindo unha finca que acabará vendendo a Gregorio Barata.
Acuarela de Eduardo Baamonde.
Finca nº 19. Na Veiga de Lourido, “y donde llaman Casa do Ôme”, unha peza
dun celamín, testaba co camiño “que ba
por la Veiga para la casa rectoral y para la yglesia y puerto de Foz y divide
eredades de Pedro Vermudez de Castropol, por el norte testa con eredad de la
muger de don Juan das Rivas, salinero de Vivero, de otra parte con eredad de
Juan Guerra y por el vendaval en el camino de carro que tanvien vaja de Marzan
para dicha yglesia y puerto”. En 1795 esta finca pertencía a Pedro
Villarmea.
Finca nº 20. Na Veiga de Lourido, “donde llaman Las Lagoas”, unha finca de dous
ferrados que testa co camiño que dende a Casa do Home baixa ata o Rego de Foz “y divide eredad de don Diego Pillado y su
muger y por la parte que tira a poniente testa con pared que divide la Veiga da
Cadra y eredades de don Simon Revellon”. En 1795 Tomás, que herdara esta
finca, xa a vendera.
Finca nº 21. Na Veiga de Lourido, “y donde llaman O Espiño”, unha finca de
4 ferrados. Esta finca recae en Rosendo, que en 1795 aína a posúe.
Finca nº 22. Na Veiga de Lourido, no
lugar do Espiño, unha finca de cinco ferrados. En 1795 pertencía a Rosendo.
Finca nº 23. Na Veiga de Lourido, no
lugar que “aora llaman donde se alla
situada los Arnados y Espiño”, testaba “en
el camino que ba de Foz para el Rego de este nombre y para la Lagoa”. En
1795 pertencía a Pedro Villarmea.
Finca nº 24. Unha peza de herdade “donde llaman Canpos da Lagoa”, de cinco
ferrados, “y aôra se alla ynculto y tiene
unos peñascos”. En 1795 pertencía a Rosendo.
Finca nº 25. Na Veiga de Lourido unha
finca dunha fanega que en 1795 pertencía a Rosendo.
Finca nº 26. Na Veiga de Lourido, “donde llaman Lagoa pequeña”, unha peza
de catro ferrados que uns dos seus lindes eran “el alfero y comaro de dicha Lagoa pequeña y en eredad de Simon Mañon”.
Tocoulle a Tomás que a acabará vendendo a dona Ramona Osorio.
Finca nº 27. Na Veiga de Lourido, “donde llaman Las Ynsoas”, catro ferrados
que en 1795 pertencían 3 a Rosendo e 1 a Pedro.
Finca nº 28. Na Veiga do Castro, dúas
leiras que fan 15 ferrados, “y testavan
en el camino que va de Marzan para la yglesia de Foz, en eredad de Sevastian
Revellon y en otra de el monasterio de San Martin y al presente se llaman estas
dos leiras y piezas de eredad de atrás de la Capilla de San Juan, en la veiga
de el Castro de avajo”. En 1795 Rosendo posuía 6 ferrados, Pedro outros
tantos e Tomás, que lle quedaran 3 ferrados, véndeos a don Agostiño Monteagudo.
Finca nº 29. Na Veiga do Castro unha
peza de dous celamíns e que en 1795 posuía Rosendo.
Finca nº 30. Na Veiga do Castro de
abaixo unha finca dunha fanega que antes testaba “en camino que va de Marzan para Villajuane”. En 1795 era a metade
de Rosendo e a outra de Pedro.
Finca nº 31. Na Veiga do Castro unha
peza de tres ferrados “cuia pieza se alla
en cuesta y al presente llaman de arriva das Pedragosas, contra el vendaval se
alla en dos pedazos y el uno testa por arriva al poniente en el camino que vaja
para el Calvaryo y por donde llaman Fondos y en comaro que divide eredad de don
Simon Revellon (…) y el otro pedazo esta en la misma chousa do Castro pequeño”,
pegado ao camiño vello que ía de Marzán ata o Calvario. Hoxe sería o que vai
dende Marzán, pasando polo camposanto, ata o edificio do Mercadona. En 1795
pertencía a Rosendo toda esta finca.
Finca nº 32. Na Veiga do Castro de
abaixo unha finca dun celamín que en lle tocara en herdanza a Tomás e que en
1795 xa vendera ao presbítero Francisco García.
Finca nº 33. Na Veiga do Castro de
abaixo unha finca de cinco ferrados que en 1795 pertencía a metade a Pedro e a
outra metade a Tomás.
Finca nº 34. Na Veiga de Folgueiras unha
finca de dous ferrados que lle tocara a Tomás e vendeu antes de 1795 a Agostiño
Monteagudo.
Finca nº 35. Na Veiga da Sara unha peza
de media fanega, en 1795 pertencía a Pedro.
Finca nº36. Na Veiga do Prado da Lama
unha peza dun ferrado, en 1795 posuía Francisco Moreda.
Finca nº 37. Na Veiga do Prado da Lama,
“donde llaman Vargado”, unha peza de
5 ferrados que topa “en el rego do
Vargado y en eredad de don Sancho Pardo”. En 1795 estaba dividida en dúas
metades, unha era de Rosendo e a outra de Tomás que rematou por venderlle a don
Isidro Fernández.
Finca nº38. Na Veiga do Prado da Lama
unha leira de media fanega que en 1795 posuía na súa totalidade Pedro
Villarmea.
Finca nº 39. Na Veiga do Bargado unha
leira dun ferrado e medio que testa “al
levante con azienda de don Simon Revellon y al poniente contra el rego do
Vargado con eredad de don Francisco Luazes”.
Finca nº 40. Na Veiga do Bargado outra
leira de ferrado e medio. Esta finca tocoulle a Pedro Villarmea que rematou por
vendela, antes de 1795, a don Pedro Mañon.
Finca nº 41. Na Veiga do Prado da Lama
unha leira de fanega e media que “testa
por la cavezera en camino que va de Forjan para Marzan”. En 1795 Tomás xa
lla vendera a Francisco Fernández.
Finca nº 42. Na Veiga do Prado da Lama
“donde llaman Feal de Areas”, unha peza de herdade, “con su bouza en la
cavezera”, de catro ferrados que en 1795 pertencía a Pedro.
Finca nº 43. No lugar “donde llaman de Amansa Boys”, unha finca
de 10 ferrados, “que solia testar en el
rego de la fuente de Marzan”. Esta finca foi dividida en catro partes, en
1795 tanto Francisco Moreda, como Pedro e Rosendo Villarmea posuían a súa
cuarta parte, Tomás xa lla vendera a dona Ramona Osorio.
Finca nº 44. Outra finca no lugar de
amansabois, “que al presente se alla zerrada de sobresi”, de 5 ferrados, “que solia testar en el rego de la fuente de
Marzan”. Esta finca foi dividida en catro partes, en 1795 tanto Francisco
Moreda, como Pedro e Rosendo Villarmea posuían a súa cuarta parte, Tomás xa lla
vendera a dona Ramona Osorio.
Finca nº 45. Na Veiga da Cadra unha finca
de media fanega que se atopa “en los feas
de areas, la qual se alla en el fondal de dicha Veiga da Cadra junto a la
Canzela de areas y por ella al presente pasan los caminos para la Veiga”.
En 1795 pertencía toda a Pedro.
Finca nº 46. “Yten donde llaman el Fojo de la aldea de Marzan, el sitio, zimientos
donde ubo una caseta con su vago y esta enfrente a la casa de Andres do Vale y
testa al levante en cortiña de Juan de Villapol y su muger como erederos de
Juan Guerra do Fojo y en camino que va para la casa de ellos y por la delantera
al poniente con el corral de la casa de dicho Andres do Vale y en el rego que
viene de la fuente de Marzan. Cuios vienes estan en los terminos del curato de
dicha feligresia de Santiago de Foz, propios de dichos señores Dean y Cavildo y
su mesa Capitular y como tales dicho señor Diputado asi se los afora al señor
Solveira azetante y ala persona que se señalare y por tiempo y termino de zien
años que principiaron a correr y contarse desde el dia de San Martin de
nobienbre del espresado año de mil setezientos sesenta y nuebe asta seren
fenezidos y acavados en otro tal San Martin de el que viene de mil ochozientos
sesenta y nueve por la renta y cano de cada uno de dichos zien años de
quinientos treinta y dos reales vellon “. A finca número 46 pertencía en
1795 a Rosendo.
No
ano 1827 varios membros da familia Rodríguez Villarmea seguen a manter unha
forte vinculación co Casal da Portela. Nun documento redactado o 20 de agosto de
1827 ante o notario Xoán Antón Millán, podemos ler: "Don Josef Gonzalez Maañón, Presvitero y Capellán, Don Francisco
Gonzalez Maañón, su ermano maior, primoxenito ;
Don Josef Rodríguez Villarmea da Portela, de esta Vecindad, y Josef
Nécega del Curato dela Villa del Real Priorato de San Martín de Mondoñedo”.[8]
Non
descartamos continuar con esta investigación sobre o Casal da Portela, con
moita máis historia da que pensamos.
[6] Arquivo Catedral de Mondoñedo. Foro das herdades anexas ao lugar da
Portela. Marzán. 1756. Armario 9, Estante 1, Libro 2, legaxo 65.
[7] Toda esta
información das fincas foi extractada do Arquivo Catedralicio de Mondoñedo.
Armario 9, estante 1, libro 2, nº 66. Foro da Casa de Portela. 1771 e revisión
de fincas do ano 1795.
[8] Este texto forma
parte do traballo de investigación sobre a xenealoxía do apelido Maañón que
leva a cabo Antón Maañón e que lle agradecemos a súa xentileza ao pasarnos este
dato.
