Este mes de xuño o noso concello
celebrará, como fai dende hai algo máis de 500 anos, a festa do Bispo Santo.
Para rememorala traio hoxe aquí este artigo escrito por Armando Cotarelo
Valledor no periódico La Correspondencia Gallega: diario de Pontevedra, (5 de
xuño de 1907) e titulado Los Normandos en
el Obispado de Mondoñedo.
Armando Cotarelo coñecía de primeira
man a lenda do bispo Santo, non debemos de esquecer que naceu en Vegadeo no ano
1879 se criou nesta comarca, seguro que dende a súa máis tenra idade escoitou
dos seus maiores o relato do milagre de San Gonzalo e non descartamos que
asistise á festa do Bispo Santo á que tanta xente concorría.
Esta masiva concorrencia á ermida do
Bispo Santo non é algo tan recente, temos noticias de que no ano 1704 esta
festa convocaba a un grande número de persoas, tanto das parroquias veciñas,
como de parroquias máis afastadas, incluso temos constancia da chegada de
grupos de asturianos e de peregrinos “a
Santiago, que se desvían de su camino para hacer aquí sus rogativas”.
O arquivo de Cotarelo comeza falando
do río Masma, do seu nacemento nas Sasdónegas e da súa desembocadura na zona de
Vegadeo. Inmediatamente despois empeza a falar de San Martiño de Mondoñedo do
que afirma que se converte en Sé episcopal trala destrución de Bretoña aló polo
ano 870. O San Martiño contemporáneo ao relato de Valledor era un lugar de paz “que
abarca unas doscientas sesenta casas repartidas en diecisiete lugares (…) La
iglesia parroquial es antigua y magnífica y en la aldea del Carmen existe una
capilla de este nombre visitada con especial devoción por la gente del mar; no
lejos, en el lugar de Mourente, está la del Obispo Santo, á la cual concurren
en copiosa romería multitud de mareantes de las vecinas playas”.
Como pode comprobar o lector no
artigo fálasenos de dous santos aos que os mareantes son fieis (San Gonzalo e a
Virxe do Carme) aínda que o santo patrón do gremio de mareantes era San Pedro.
Na confraría de San Pedro de Foz era onde se anotaban os mareantes desta
parroquia. Dos dous santos aos que veneran os mareantes San Gonzalo é moito
máis antigo xa que a entrada do culto de veneración á Virxe do Carme ten lugar
a partir do século XVI. Na catedral de Mondoñedo dicíase unha misa diaria en
honra de San Gonzalo dende mediados do século XIV.
Posteriormente Armando Cotarelo comeza
a relatar o milagre de San Gonzalo; primeiro falando dos normandos, aos que
define como “osados y terribles piratas”
dedicados a asaltar as poboacións costeiras, “merodeaban por las costas de Galicia en el año de 846. Una armada
inmensa de ligerísimas naves invadía el mar; con sus grandes y blancas velas
hinchadas por el viento Norte y sus largos remos batiendo las olas se dirigían
veloces, ávidos de botín, en demanda de la costa sobre San Martín de Mondoñedo.
Los aterrados pecheros, escasos e inermes, acudieron al prelado, que lo era
Gonzalo. Rodeóse éste de sus clérigos y
de su mesnada y se dirigió hacia el mar; desde la cruz llamada de Agrelo
hasta el lugar en que hoy se levanta la ermita caminó de rodillas; la flota se acercaba formidable, escuchábase el canto de
guerra de sus tripulantes y se veían sus escudos relumbrar al sol. El prelado
oró breves instantes, extendió su brazo y la terrible escuadra se hundió en la
mar, anegada por repentinas y furiosas olas; todas las naves perecieron,
excepto una sola, la del jefe que huyó á trapo desplegado llevando á las otras
armadas la nueva del desastre. Tal es el milagro del Santo Obispo cuya tumba se
venera en Mourente y que abierta en 1648 reveló una cruz dorada al lado de un
cadáver. Las gentes del país han tenido desde tiempo inmemorial, por santo á
Gonzalo y aunque la iglesia se opuso á un culto no sancionado por ella no fue
posible desterrarle de la costumbre.
Si
bien no hay argumentos decisivos que exponer en contra de esta antigua
tradición, muy aceptable á los ojos de los historiadores, hánse de tener
presente varios reparos. Por de pronto no se halla referida en ninguno de
nuestros antiguos Cronicones setemptrionales (Sampiro, Albelda, Cronicón
Iriense, Historia Compostelana, etc..) ni por los historiadores árabes (Abén
Jaldim, Abén Cotiya, Abén Adhasi, etc..); que nos comunican preciosas noticias
de los normandos; descansa sobre la tosca relación de documentos de la
parroquia, alegaciones curialescas del siglo XVII con motivos de pleitos entre
la feligresía de San Martín y el Cabildo de Mondoñedo. No hay para que decir
que por lo tanto no figura tal naufragio en las grandes historias de los
normandos. Tampoco aparece el nombre de Gonzalo en los episcopologios
mindonienses, y por último, y esto parece lo más grave, la fecha del suceso es
de todo punto inadmisible, en 846 San Martín de Mondoñedo, no era cabeza de
silla episcopal, ni había en Dumio prelado de nombre Gonzalo. Solamente puede
colocarse este obispo entre los años 942 y 969, y aun podría, acaso,
compaginarse la tradición con la historia poniendo la pérdida de la flota del
vikingui normando hacia 966, esto es, sobre la época en que los audaces piratas
del Norte comenzaron á infestar por ver tercera las costas de Galicia.
Portada do libro Recuperación da memoria histórica de Foz.
Debuxo de Xoán Balboa.
O artigo foi escrito en Santiago o
26 de maio de 1907.
Con todo o respecto posible debemos
de facerlle certos reparos a este artigo:
Primeiro:
Sorprende que no relato do milagre
mencione que o Santo fora de xeonllos dende a cruz do Agrelo ata a ermida
cando, como todos sabemos, a citada ermida está no monte coñecido como A cruz
do Agrelo. Tal vez Cotarelo Valledor, ao presenciar como os romeiros e os
ofrecidos daban de xeonllos a volta a ermida do Bispo Santo, chegou a
conclusión de que nun principio San Gonzalo fixera
igual; algo que sabemos que non é certo pois, segundo nos teñen contado, o milagre ten lugar na procesión de preces que dende San Martiño sae ata o monte do Agrelo e no momento en que el finca o xeonllo en terra para descansar e orar ao mesmo tempo.
Segundo:
Afirma que a tumba do Bispo Santo
estaba en Mourente cando o seu sartego sempre estivo no lugar no que está
actualmente, na basílica de San Martiño de Mondoñedo. Certo é que sobre este
tema Valledor non será a única persoa que afirme que a tumba estaba na ermida.
Terceiro:
Valledor asevera que na apertura
do sartego do ano 1648 atopárase unha
cruz de ouro. A citada apertura ten lugar, moi probablemente, en agosto dese
ano estando presente o bispo Torres e Grijalba. Nada se sabe do que apareceu
nela pero a seguinte apertura é baixo a prelatura de Navarrete e ten lugar no
ano 1705, un 5 de xaneiro ás 7 da tarde. Nela non se fai mención algunha a unha
cruz de ouro pero si se menciona un cíngulo dese metal, probablemente cometese
un erro o señor Valledor sobre a peza atopada no sartego.
Cuarto:
Afirma Armando Cotarelo que no
episcopoloxio mindoniense non hai referencia algunha a ningún bispo co nome de
Gonzalo. Nótase aquí que o escritor de Vegadeo non consultara a España Sagrada, obra do pai Henrique Florez, que no volume XVIII,
dedicado ao bispado de Mondoñedo (publicada en 1764), menciona a un bispo
chamado Gonzalo e que o sitúa entre os anos 1071 e 1112 e a outro Gonzalo, este
último situado entre os anos 1319 e 1326. Aparte destes dous bispos chamados
Gonzalo na obra do pai Flórez menciónase
a un “Santo Obispo Gonzalo”( páxinas 293 a 296).
No hay comentarios:
Publicar un comentario