Segundo podemos ler no artigo
titulado Instrumentos para as Cornetadas,
que aparece no portal do Consello da Cultura: “Foi costume na Galicia rural celebrar
moitas vodas no máis absoluto secreto, sen nin sequera facer públicas as
consabidas proclamas (monicións) na igrexa. Isto era provocado normalmente
porque os noivos non querían invitar a viño aos mozos da parroquia, nin
tampouco agasallalos co baile de rigor, ou tamén por considerar que o seu
matrimonio ía ser susceptible de “marmuracións” (viúvos que casan, homes vellos casados con
mozas etc.). Cando os mozos dunha aldea se decataban de semellante
acontecemento, tiñan por costume facer unha cornetada ou cencerrada, costume que temos
documentado por toda Galicia. Nelas os mozos do lugar, pois nunca as mozas nin
as mulleres participaban, “castigaban” os noivos propinándolle un estrondoso
recibimento á saída da igrexa aderezado con coplas satíricas e mordaces”.
http://www.consellodacultura.gal/asg/instrumentos/os-idiofonos/instrumentos-para-as-cornetadas/
O noso concello non foi alleo a
esta costume. Aínda hoxe algúns veciños cos que temos falado nos din que
lembran ter escoitado que a fulano lle fixeran unha cencerrada os rapaces. Para
evitar esta costume os noivos optaban ben por non realizar proclamas, tal e
como menciona o anterior artigo, ou ben realizar o matrimonio a hora
intempestivas. O historiador local mindoniense, Andrés García Doural, ten
recollida documentación relativa a matrimonios que tiñan lugar no convento de
Alcántara as 6 ou 7 da mañá, todo para evitar a tan molestos convidados.
No xornal El Eco de Santiago, no seu número do 13 de outubro de 1896, podemos
ler a noticia de que un veciño de
Vilaronte, “ha sido bárbaramente apaleado”.
Cal é o delito cometido por este
bo home?.
O delito cometido foi atentar
contra a tradición cultural intentando evitar unha cencerrada.
Este veciño de Vilaronte, que xa
enviuvara dúas veces, decide casar por terceira vez. A futura esposa tamén xa
enviuvara unha vez. Estaban ambos incluídos no apartado de viúvos que van
casar, razón pola cal “los mozos del
lugar tenían proyectado obsequiarles con una cencerrada, como es costumbre
hacerlo en nuestro país”. Por esta razón os mozos de Vilaronte congréganse
no adro da igrexa, mais os novos noivos e o cura párroco, sabedores de que se
ía realizar unha cencerrada, deciden evitala. Razón pola cal o cura “hizo la ceremonia a puerta cerrada”.
Trala voda o cura párroco
comprobou que os rapaces de Vilaronte seguían agardando no adro da igrexa a que
saísen os noivos. Decide logo saír a falar cos mozos e entretelos mentres que
os noivos saen pola porta de atrás cara a casa reitoral. A xogada saíu mal e os
noivos foron vistos recibindo “en vez de
cencerrada, recibió el novio una tremenda paliza y algunas puñaladas, habiendo
sido conducido a su casa en grave estado”.
Algo menos violenta, pero non por
iso menos incómoda, foi a cencerrada que tivo lugar en Marzán en agosto de
1902. O día 20 dese mes casaban o capataz de estradas Manuel Vázquez con
Encarnación Moreda “No conocemos las
circunstancias personales de los cónyuges; pero algo debieron encontrar de
anormal y de inusitado en la tal boda los mozos de Marzán, o acaso todo haya
sido no más que instinto jueguista y alborotador: ello es que los desposados
eran obsequiados á diario con poco gratas serenatas en las cuales tomaban
parte, como instrumentos, las latas de petróleo, caracoles marinos y otros
igualmente malsonantes.
El alcalde, viendo de tal modo perturbada la calma de las noches serenas
del estío y más serenas generalmente en los pueblos como Foz, puso el hecho en
conocimiento de la Guardia civil y reclamó su auxilio para que los aficcionados
al arte divino se fuesen con la música á otra parte.
Y entró en escena la benemérita. La cual se presentó de noche en el lugar del suceso. Los amantes
del divino arte, y es posible que algo de vino hubiera en todo ello, pusieron
pies en polvorosa al asomar los tricornios y el charolado correaje de los
guardias.
Pero no todos pudieron escapar. Uno de los cencerristas, Hipólito García,
de 24 años, que era por lo visto el director de la banda, cayó en poder de los
guardias, los cuales le ocuparon un caracol marino, como el cantado por Pastor
Díaz en una de sus más bellas poesías.
Hay que suponer, sin embargo, que su sonido no le resultaría muy poético á
los desposados.
Como no le resultará muy armónico al detenido el verse ahora envuelto en
papel sellado y á disposición del juzgado respectivo”. (1902,
28 de agosto. El Regional.).
Despois de consultar no Rexistro
Civil de Foz comprobamos que a citada voda tivo lugar o día 20 de agosto de
1902. Por un lado estaba Manuel Vázquez Vázquez, de 65 anos, natural de San
Salvador da Lama e residente en Celeiro de Mariñaos. Manuel estaba viúvo, a súa
primeira muller chamábase Ramona Rodríguez Salvatierra e morrera o 24 de
novembro de 1899. Pola outra banda estaba Encarnación Moreda Oroza, de 56 anos,
residente no barrio de Marzán, viúva de Francisco López, que falecera na cidade
de Cienfuegos (Cuba) o día 1 de febreiro de 1890.
No hay comentarios:
Publicar un comentario