O CRIME DE BURELA. 1910.

Muller aforcada baixo a ponte. Cadro de Chris Rawlins.

A fins do mes de marzo  de 1910 a vila de Burela estivo en boca de todo o mundo polo terrible suceso que nela acontecera.

Os protagonistas deste feminicidio son Modesto Vázquez Villarmea e a súa dona Adelina Paleo Candia.

Como tódalas historias debemos de comezar o noso relato polo principio. Nel vemos a Modesto camiñando cara a casa de seus sogros, residentes na parroquia de Cervo, co fin de convencer ao proxenitor da súa dona para que o acompañase pois a tarde anterior discutira con Adelina e cando a deixara estaba moi desgustada e desanimada. Quería Modesto que seu sogro a calmase e que a convencese, de que lle conseguise o perdón e poder así  volver a vivir en paz. Cando sogro e xenro levaban algo máis de medio camiño percorrido atopáronse cun veciño que os informou de que Adelina se aforcara no faiado da casa matrimonial.

Despois de descolgala os forenses apreciaron dúas marcas arredor do pescozo da víctima, unha que correspondería á deixada pola corda e outra que ben podería corresponder a un intento anterior de suicidio ou ben a un estrangulamento.

A garda civil, por outra banda, prestaba oídos a ese rumor que corría entre os veciños máis próximos á casa de Modesto e Adelina segundo o cal “el día de referencia surgió entre el matrimonio y a consecuencia de faltas del marido, una reyerta, en la que, Modesto Vázquez, echó las manos á la garganta de su esposa con tal brutalidad, que medio la estranguló. No lo creyó así, no obstante, el Vázquez, y dejándola, bajó al establecimiento”. (Diario de Galicia, 1910, 9 de abril).

Segundo ese rumor o marido estivera despachando no bar ata que puido subir a esconder o cadáver, ao contemplar que Adelina non estaba morta sente un medo atroz a que o denuncie e por iso decide ocultalo seu acto criminal simulando un suicidio: “y al volver al piso alto, viese que la víctima se hallaba muy grave, deseando hacer desaparecer las huellas de su cobardía, cogió una cuerda y sujetándola del techo suspendió por el otro extremo á la desdichada Adelina, marchando seguidamente á Cervo y á casa de los padres de aquella para decirles que tuvieran en casa un disgusto y que fuesen ellos para ver de arreglarlo. El marido ha sido detenido”. (Diario de Galicia, 1910, 9 de abril).

Como podemos entrever polos feitos o señor Vázquez Villarmea era un home calculador e de sangue frío, pois iso fai falla para facer o que fixo.

Máis todo o que montou Modesto non serviu para nada xa que moi pronto atoparon probas que tiraban por terra a idea do suicidio scena. Así ao tomar cartas no asunto o xulgado: “efectuóse la autopsia y parece que los médicos hallaron señales evidentes de un crimen monsturoso”. (El Progreso, 1910, 7 de abril).

O xulgado de Cervo decidiu deixar o caso nas mans do de Viveiro “desde los primeros momentos intervino en el suceso, instruyendo las primeras diligencias, el juzgado municipal de Cervo, pero en vista de la gravedad del parte dado al juzgado instructor de Vivero se constituyó éste al día siguiente en Burela, ordenando la prisión del marido de la interfecta. Adelina Paleo tenía 31 años de edad; su esposo es hombre de 40”. (El Noroeste, 1910, 3 de abril). Segundo este mesmo xornal a razón do crime había que buscala na mala situación afectiva na que vivía a parella: “se cree que juegan los celos un papel importante, hasta el extremo de que quizá hayan sido el único móvil del sangriento suceso”.

Dous anos despois, no mes de abril de 1912, aparecen noticias referentes ao xuízo deste horrendo crime. O xornal El Progreso cubrirá extensamente a noticia e grazas a el sabemos que Adelina morrera o día 28 de marzo “colgada de una cuerda con un nudo corredizo, que pendía de una viga del desván de su casa. Un rosario puesto al cuello, un crucifijo en el suelo, una cesta de mimbres al lado del crucifijo y una carta dirigida a su esposo. En esa carta Adelina se despide de su marido y entre otras cosas dice “muero por tu amor; ahora podrás gozar”. ¡Se mató por celos! Dijo el pueblo y así se creyó en los primeros momentos”.

O tribunal, seguindo sempre a este xornal, estaba formado polo Presidente, señor Caramés, e o resto dos membros, señores Golpe e Cavallo, actuaba como fiscal o señor Pintos, como representante da víctima o señor Cereijo e como defensor o señor Varela Balboa.

Algo que temos que facer constar é o cambio de apelidos que este reporteiro fai dos implicados e así vemos como Adelina pasa a apelidarse Basanta e o seu marido Vázquez Villanueva.

Recolle o xornalista un amplo resumo da declaración do acusado. Grazas a ela sabemos que Adelina estaba embarazada de dous ou tres meses. Os feitos da morte inícianse o día anterior cando Modesto marchara “a una corrida del gallo” da que se nos di que é unha festa popular, polo que entendemos emborrachaban a un galo e despois comíase,  “ Unos mozos organizadores del festejo, fueron á la taberna de Modesto a buscar vino para “empujar” al gallo que, una vez sacrificado, iban a comerse, e invitaron al tabernero para que les acompañase a la cena”. Cando regresou, a altas horas da mañá, atopou a súa dona de moi mal humor que o saudou dicíndolle “¿Has cumplido ya con una cita?. Vete a cumplir con otra!”. Ao día seguinte Modesto marcha cuns operarios a plantar patacas e ao volver á casa atópase cunha filla que lle di que súa nai estaba “llorando en el almacén de sal que tenía el Modesto”. O marido acode onda ela, intenta calmala e convencela de que vaia para a casa, como non o consegue pídelle que se deite na cama. Decide, sempre segundo a versión de Modesto, ir á casa de seu sogro, que vive a 7 quilómetros, para que este tranquilice a Adelina, “camino de la casa de los suegros encontrose con un carretero llamado Mangas-rubas y con el conversó un rato”. Cando chegou á casa de seus sogros pediu falar con Xosé Basanta, pai de Adelina, para que o acompañase a poñer paz entre el e a súa dona “ya llevaban andando un buen trecho cuando se encontraron con una mujer que les dijo que corrieran porque Adelina estaba muy mala. Más adelante otra mujer les notificó que Adelina había muerto.” Cando chegaron viron a casa ocupada polos veciños e ao subir “al fayo, miró y pudo ver el horrendo cuadro... Modesto cayó desmayado”.

Cando lle preguntan pola corda di que “la usaban para colgar la ropa a secar.” Sobre o lazo opina “que no se parece a los que usan los gauchos. El estuvo en América, en el 2º departamento de la Zona Central”. O acusado tamén lembra “que en el fayo había unas cestas de mimbre destinadas a langostas y que no deben tener consistencia bastante para aguantar a una persona. Asegura que su mujer usaba pañuelo á la cabeza, algunas veces atado arriba, sin que sepa a punto fijo como lo traía atado el día de su muerte”.

Modesto recoñece a letra da muller e a súa en varios documentos, tamén afirma que non tivera “participación alguna en la escritura o redacción de la carta”, na que a súa dona afirmaba que se suicidaba para darlle liberdade. A declaración do acusado e a súa actuación leva ao xornalista a afirmar que declaraba “con una serenidad asombrosa”. (El Progreso, 1912, 23 de abril).

Xornal El Progeso, cubrindo o xuízo no ano 1912.

Os especialistas en caligrafía que interveñen son “Arocena, archivero de Hacienda y Saavedra, a quien cábele el calificativo de semidiós”. Ambos afirman que a letra da carta “de despedida las primeras lineas son más seguras y firmes, pero del mismo tipo, y advierten que las letras de Modesto y de su mujer se parecen”.

O pai da falecida, Xosé Basanta ou Paleo, de 65 anos, residente en Espiñeirido, di que a súa filla se casara o 17 de novembro de 1902. Lembra como o día de autos seu xenro chegara a súa casa para pedirlle que mediara entre dous homes que pelexaran e que Modesto non quería que iso chegase ata a xustiza, pouco despois díxolle que non era verdade, que o problema radicaba nunha disputa entre el e Adelina, un pouco máis adiante confesoulle que “su mujer tenia celos de las de Camafeita y de otras dos”. Así proseguiron camiñando ata que ao chegar “a la casa del Americano un individuo saludó a Modesto diciéndole ¡hola tío!, conversaron un rato y pretestando falta de tabaco entraron en la citada casa donde tomó Modesto dos copas de ron y su suegro una chiquita de vino”. Proseguiron camiño e ao chegar a Figueirido “encontraron a Genoveva la de Camafeita quien les dijo que Adela quedaba muy mala y no sabía si la encontrarían viva. En el puente de Pomeda cuatro mujeres dijeron al verlos pasar:¡Pobres, andar andan bien, pero viva no la encuentran! “.

Xosé Basanta relata que cando atopou o cadaver da súa filla pendurando dunha corda: “la abracé, mandé cortar la cuerda y la llevé a la cama”. A defensa demostra que nas declaracións realizadas polo pai de Adelina, seis en total, había incorporacións de feitos en cada unha delas, ante estas preguntas “Basanta se muestra un tanto descortés con la defensa cuando contesta”.

Declara tamén a irmá de Adelina, Dores Basanta, de 26 anos que di que cando chegou á casa de Modesto atopou a súa irmá morta na cama que ao inspeccionalo cadáver “levanta la saya y revuelve un rato en la faltriquera sacando varias monedas de plata y calderilla, un billete del banco de cien pesetas, cáscaras de avellanas y el pendiente”. Afirma que súa irmá facía o nudo do pano arriba, que “no era de letra de Adelina la carta de despedida, que Adelina no sabía hacer nudos marineros, que el cuello de la blusa de su hermana el día de autos, era bajo”.

Outra testemuña que declara é Mangas-rubas, ou sexa Manuel Fernández Fernández, de 51 anos, xornaleiro e que “tiene un carro en el que viaja entre Foz y Vivero”, declara, con varias contradiccións, que Adelina, filla da defunta, lle dixera que cando seu pai marchara súa nai seguía viva, pero Xulia, outra das fillas, non declara nada.

Na sesión vespertina declaran Ramón Chao, Francisco Caión, Tomás Mon e Hermógenes Eijo, que estivera na casa de Modesto, a onde fora “vender una rabaliza el viernes santo”. Outra testemuña que declara é Xosefa Fernández, alias Rañiza, quen asegura que ao visitar a casa de Modesto o día de autos unha das nenas lle confesara que “mamá estaba muerta en el fayo y que el papá iba a Cervo”, ela non o cree o que se lle di, sospeitando que era unha mentira, e marcha para a súa casa.

Declara tamén de Miguel Eijo Sierra, pai de Hermógenes, que asegura que nacera en Sargadelos “y estuvo muchos años en América. Examina el lazo y dice que ni es de potro, ni de coche, ni de Holanda, ni de marinero, ni de nada”. Tamén asegura que o día 28 de marzo estivera preto da casa de Modesto e que oíra xemidos e “tres gritos de mayor a menor, siendo el último sin acabar”.

O avogado da acusación particular, Cereijo López, define a Modesto da seguinte maneira: “hombre de carácter fuerte, sin más voluntad que la suya con la cual quería sobreponerse a los demás; acostumbrado de América a exceder en la bebida, a beber vinos fuertes ... su inclinación manifiesta a no contener su pasión sexual”.

O avogado defensor, Bautista Varela Balboa, afirma que si ben é certo que unha das probas esgrimidas pola acusación dicía que Adelina non puido suicidarse porque os seus pes tocaban no chan responde que “tratadistas afirman que muchos de los suicidas colgados tocan con los pies el suelo”. Sobre o sangue que cubría a corda o avogado di que “el laboratorio de Madrid certifica no ser sangre las manchas de la cuerda”. A nota de suicidio segundo os especialistas é de muller, polo tanto non é do marido. Tamén esgrime este avogado a declaración da filla do matrimonio que manifestara “papá marchó á Cervo y mamá me dió una pastilla de chocolate, diciendo después que no se despachaba a nadie hasta que volviese papá, pues le dolía la cabeza y se iba a la cama y la pequeña dijo entonces que al salir su padre preguntóle Adelina ¿pr’onde vas? ¿pr’onde vas?”. (El Progreso, 1912, 22 de maio).

No do 24 de maio podemos ler que despois de hora e media reunido o xulgado popular volven para ler o veredicto, que será  de culpabilidade “se pide pena de cadena perpetua por el fiscal, mas 10000 pesetas de indemnización (...) la Sala sentencia al condenado a cadena perpetua, 5000 pesetas de indemnización y tercera parte de las costas”. (El Progreso, 1912, 24 de maio).

Así rematou a súa vida Modesto, ou pensamos que debeu de ser así, nun cárcere, lonxe de todo o que amaba, o alcohol e as mulleres, todas meus a súa.