Este artigo escribino
pensando no bo amigo Martín Fernández Vizoso, a persoa que máis sabe da
emigración galega. Agardo que estes datos, breves, poidan engrandecer o teu
coñecemento sobre a nosa diáspora.
Por que emigramos? Facémolo
buscando un futuro mellor, inexistente na terra natal.
Neste artigo veremos
unha breve relación de homes e mulleres que marcharon desta Mariña nosa para
América en busca do seu futuro. Non imos comprobar se triunfaron ou non, o que
queremos é dar uns apuntes nominais que engrandezan a historia da emigración
galega, en xeral, e da mariñán en particular.
Os casos que
mencionaremos neste artigo responden, moitos deles, ao efecto chamada,
emigraron porque a onde ían había alguén que os esperaba e que os reclamara
previamente.
Comezamos co caso de
Xusto Alonso, un comerciante da vila de Ribadeo, que no ano 1818 presenta unha
solicitude de licencia para que o seu fillo, Ramón, marche á illa de Cuba “y
pueblo de la Abana
con el unico motibo y no otro alguno, de recoger varios intereses que condujo
el Bergantin La Maria ,
propios de mi dominio y otros socios, por haverse quedado en dicha Abana el
mismo buque y cargamentos, quando la expedición del señor Morillo; y ademas de
esto tanvien ba hacerse cargo de varios vienes que le dejo su thio don Pascual
Alonso de la Peral ”.
Para levar acabo a súa viaxe “tiene hechas diligencias para embarcarse en la Fragata nombrada Los tres
Amigos, su capitán do Bernabé Pumari, del comercio de la ciudad de la Coruña , desde donde prebe
salir para dicha Abana, y ahunque por qualquiera accidente no pudiese colocarse
e este buque, lo ha de hacer en uno de los otros que se estanaparejando para el
mismo destino”.
Unha das testemuñas presentadas é Xoán Fernández de Murias, veciño de
Ribadeo que di que coñece a Xusto Alonso, ao seu fillo Ramón e afirma que o
bergantín levaba catro anos na Habana.
No ano 1826 Pedro Méndez de Villamil, da vila de Ribadeo, solicita licencia
para que o seu fillo “Benito Méndez
Villamil, de estado soltero y de edad de 19 años pueda pasar a la ciudad de la Havana , a asuntos de
comercio”. Bieito era fillo do mencionado Pedro e de Antía Balsa, ambos veciños de
Ribadeo. Seu pai declara que o embarque terá lugar no porto de Xixón “en el bergantín español nombrado Los Dos
Amigos que ba abelitarse al puerto de Gijon”.
Tanto o pai como as testemuñas presentadas (Manuel Lage, Xosé León Esquina
e Manuel Mera, todos comerciantes e veciños de Ribadeo) confirman que Bieito
era unha persoa de boa conducta “que no
esta procesado ni sindicado, que es de buena conducta asi religiosa como
política y ultimamente que en el tiempo de la abolida Constitucion no
pertenecio a la llamada Milicia Nacional ni a otro ningun cuerpo rebolucionario”.
O 22 de abril de 1829 Antón Francisco Almoyna, casado con Tareixa Cardóniga
e Boado, ambos veciños da parroquia de San Xiao de Landrove (Viveiro), solicita
licencia para o seu fillo, Remixio María, para que puidese viaxar á “la ysla de la Habana con el obgeto de
yncorporarse con otro hermano que se halla establecido en aquel punto en el
Comercio”. O irmán asentado xa en Cuba chamábase Xosé María Almoyna.
(Regino
María Almoyna, pares.mcu. es ArchivoGeneral de Indias, Ultramar, 353, nº 25).
Un caso curioso é o que acontece o 6 de agosto de 1829, ten como
protagonista a María Baltasara Piernas,
natural de Viveiro, de 60 anos de idade e viúva, que solicita licencia para “envarcarse para la Hisla de la Havana a yncorporarse cons
u hijo don Francisco Santiago de Aguirre, comerciante, abecindado en dicho
punto”. O motivo era o de pasalos derradeiros anos da súa vida en compaña
do seu fillo.
(María
Baltasara Piernas, pares.mcu. es ArchivoGeneral de Indias, Ultramar, 353, nº
64).
No día primeiro de setembro de 1829, Antón
Vicente, veciño da parroquia de Santiago de Viveiro, solicita autorización para
poder pasar “a la Hisla de la Habana a seguir en la
carrera del Comercio”, mais tamén tiña pensado ir á illa de Porto Rico a
recoller parte da herdanza que lle correspondera a seu pai pola morte de “mi tio don Jose de Banga y Feijoo, vecino
que fue de aquellos puntos”.
(Antón
Vicente Fernández Banga, pares.mcu. es ArchivoGeneral de Indias, Ultramar, 355,
nº 2).
A fins de outubro de 1829, Pedro Martínez, veciño de Vilaselán, como avó de
Bernardo María Martínez González Villaamil, solicita autorización para o seu
neto, “de edad de 15 años, huerfano de
padre y de madre, debe pasar a la
Habana al lado de su tio don José González Villaamil, del
comercio de aquella plaza, con el objeto de seguir la misma carrera”.
Os pais de Bernardo (nado en Ribadeo o 15 de agosto de 1814) eran Bernardo
Martínez e María Antía González Villaamil, ambos defuntos en 1829. Trala morte
dos proxenitores, e sempre segundo a versión do avó, este tivera “que hacerme cargo de sus hijos, mis nietos,
pupilos sosteniendolos y educandolos. Savedor de esta desgracia don Josef
Gonzalez Villaamil, vecino del comercio de la Havana , hermano de la madre de mis nietos, me
escrivió varias veces y aora ultimamete para que le remita uno o dos sobrinos
que quiere educarlos e instruirlos en el comercio, por cuya razon tengo pensado
mandarle a Bernardo, de edad de quince años, que no está comprendido en quintos”.
(Bernardo Mª
Martínez González Villaamil, pares.mcu. es ArchivoGeneral de Indias, Ultramar,
356, nº 74).
As testemuñas presentadas son os veciños de Ribadeo Xoán Fernández Reinante
e Pedro Rodríguez Cobre. Este último, tamén solicitará, o 5 de novembro de 1829, a autorización
pertinente para que o seu fillo, Diego María, de 12 anos de idade puidese “pasar a la ciudad de la Habana , al lado de uno de
sus parientes que se halla dedicado al comercio”.
Diego nacera o 11 de setembro de 1817, era fillo de Pedro Rodríguez de
Cobre e de Antía del Riego, avós paternos Antón Rodríguez de Cobre e Sabela
Amor e os maternos Caetano do Rego, defunto e Xosefa Fernández, todos eles
veciños de Ribadeo.
Cando se menciona o apelido da nai escriben del Riego, pero no avó materno aparece o apelido do Rego.
O parente que o vai recibir é “un
primo hermano del don Diego Maria, llamado don Juan Rodriguez, vecino y del
comercio de la Habana ,
le llama para su compañia e ilustracion en el comercio”. (Diego María de Cobre,
pares.mcu. es ArchivoGeneral de Indias, Ultramar, 356, nº 40).
O 20 de xuño de 1834, Manuel María Coira e
Fernández, veciño de Viveiro solicita licencia para pasar á “las yslas de Puerto Rico y la
Habana ”. Tal solicitude era para dous dos seus
fillos “Francisco y Jose Maria Coira, el
primero de 19 años de edad y el segundo de 17, ambos solteros”. A viaxe tería
unha dobre finalidade, a de recoller “varias
acciones y derechos” que lle corresponderan ao pai dos emigrados e para “establecerse en el Comercio”.
(Francisco
e Xosé Mª Coira Montenegro, pares.mcu. es ArchivoGeneral de Indias, Ultramar,
3564, nº 91).
Rematamos cunha historia de emigración ben triste, a que lles acontece, o 2
de xuño de 1817 a
María Caetana de Xesús e a seu irmán Xosé Bermúdez. Na mencionada data dous
comerciantes, Xoán Antón Fernández Veiga, de Viveiro, e Xoán Silva Cedrón, de
Ribadeo, solicitaban permiso, na súa calidade de titores legais, para que os
nenos mencionados, ambos orfos, puidesen “transportarlos
a la ciudad de la Habana
y poder de don Jose Mariano Palacios, hacendado y residente en aquella ciudad,
quien, como amigo y protector del didfunto padre de dichos menores, don
Antonio, los quiere en su compañía”.
Estes nenos eran fillos de Antón Bermúdez, natural de Galicia e de “doña Antonia Brito, que lo ha sido de la Ysla de Cuba y de la ciudad
de la Havana ”.
A razón do retorno de Antón á Mariña, tal e como afirman varias testemuñas,
debeuse ás revoltas existentes en Cuba. Ao pouco tempo de chegar a súa vila
natal, Viveiro, Antón Bermúdez falece.
O futuro que espera a ambos nenos en Cuba sabémolo pola copia da carta
enviada por Mariano Palacios, na que se le que “he travajado con una prima mia para que admita a la dicha Calletana,
para que la acompañe y sirva en los pormenores de la casa y a Pepe veremos como
se pueda colocar”.
Na declaración dunha testemuña, Antón Puente y Andrade, veciño de Viveiro
dise que coñecera a Antón Bermúdez, natural da vila de Viveiro, que emigrara a
América, “regresando de ella a este
pueblo en el año pasado de mill ochocientos catorze, traiendo en su compañia a
sus hijos doña Caetana Mari ade Jesus, don Faustino, don Phelipe Santiago y don
Joseph Ygnacio Bermudez, que son de corta hedad, como heran en aquel entonzes
menores de catorze años, y aun hoy lo son, eszepto doña Caetana Maria”.
Quédanos por saber que pasou cos dous fillos de Antón, Filipe e Faustino,
que non retornaron á illa de Cuba. Tal vez, algún día o saibamos.
Non digo nada novo si digo que da Mariña saíron, cara as Américas,
infinidade de persoas. Sirva como exemplo a noticia, entre outras moitas que
hai, que aparece no xornal El Correo
Gallego do 16 de decembro de 1984, segundo a cal “Han
salido para la Habana
numerosos viajeros procedentes de Mondoñedo y sus alrededores, abandonando sus
hogares en busca de fortuna en la gran Antilla. Tres coches iban atestados de
emigrantes, que embarcaron en los puertos de Galicia”.
Esta masiva saída acrecentábase
cando na prensa saían noticias sobre aqueles galegos que triunfaran na
emigración. Un ejemplo é a noticia que vemos publicada no xornal El Correo de
España, o 27 de xaneiro de 1895, que di así: “Un gallego ilustre. Los Lunes, periódico político y literario de
Cienfuegos, publica el retrato de un apreciable vivariense, don Francisco
Infante, rico propietario de Real Campiña, en el término municipal de aquella
población americana. De él, dice el periódico, que es simpático, noble y
generoso. “Fundador de los pueblos de Palmarejo y Real Campiña (en Aguada de
Pasajeros, ambos puntos están hoy en constante progreso, debido muy
principalmente á las iniciativas del señor Infante. En sus grandes fincas de
caña, da trabajo todo el año a mas de
300 personas. En toda la comarca le quieren y respetan extraordinariamente. A
su casa no acude nadie en demanda de algún favor que no lo obtenga”.
Lendo o que acabamos de ler
pregúntome: Como non íamos emigrar?.
No hay comentarios:
Publicar un comentario