Neste artigo falaremos de algo que
sempre foi común ao ser humano, os odios, a xenreira, a envexa e as liortas.
Falaremos de algo, que de igual maneira que acontece hoxe en día, sucedía no
noso concello nos séculos XIX e XX, estámonos a referir á crónica negra das
parroquias do Concello de Foz.
O primeiro dato que atopamos na
prensa sobre este tema dato do ano 1880. Refírese ao roubo que dous
enmascarados levan a cabo na casa do cura párroco de Santa Cilla “sorprendieron a la criada, a quien ataron y
taparon la boca, apoderándose enseguida del cura. La criada consiguió soltarse
de sus ligaduras y cerrando por dentro la habitación desde una de las ventanas
dio voces de “fuego, ladrones”, á las que acudieron porción de vecinos, que
capturaron a los dos criminales y recobraron treinta onzas que los ladrones
tenían ya en su poder”. (La
Ilustración Gallega y Asturiana, 1880, 18 de xaneiro.) Os dous ladróns
eran Bieito Paleo, veciño de Santa Cilla, que recoñeceu o crime cometido e o seu socio era “Francisco Rodríguez, alias Bayona, vecino de Fazouro que por sus malos
antecedentes fue expulsado de Madrid”. Como podemos ver era habitual tentar
roubar na casa do cura pois nela soia haber cartos.
Outro sitio onde se producen
frecuentes liortas é nas romarías, nas feiras e máis precisamente á volta
delas. En 1894 vemos como “después de la
feria de San Acisclo, ocurrió una riña de la que resultó muerto, a consecuencia
de una puñalada el vecino de Carballido llamado Benito Canoura”.(El Anunciador: diario de la Coruña y
Galicia, 1894, 10 de marzo). Realmente esta noticia aparece moito máis
completa no xornal El Eco de Galicia, que seguiremos. Segundo este periódico o
falecido chamábase Bieito Otero Fernández, “de
22 años de edad, soltero, hace dos años que estaba en Madrid de panadero y vino
a Carballido habrá 8 días para presentarse a la cuarta revisión; habiendo sido
declarado exento del servicio militar activo en las tres anteriores, por
inutilidad en la mano derecha del padre”. O acusado de ter asestada a fatal
puñalada era un veciño de San Acisclo chamado Manuel Fernández, de 20 anos, solteiro
e labrador de profesión. Segundo parece o crime aconteceu da seguinte maneira:
“celebrándose
el día 5 en la parroquia de San Acisclo la feria que mensualmente tiene allí
lugar, á la que concurrieron el
interfecto y el agresor; á la caída de la tarde, pasando el Benito por el
puente por debajo del cual discurre el Rio Oro, le llamó el agresor y ambos
cambiaron algunas palabras en voz baja, que no pudieron ser oídas por las
personas inmediatas, y transcurridos unos minutos, comenzaron uno y otro á
darse de golpes con unas varas que llevaban y á insultarse, diciéndose luego
que el interfecto sacó un arma blanca, con la que arremetió al Manuel
Fernández, y este echó á correr con dirección á la feria; y como creyese que
aquel le alcanzaba, sacó una navaja y dando media vuelta, asestó el golpe al
Benito que le produjo una herida de
cinco centímetros en el tórax”.( El Eco de
Galicia, 1894, 12 de marzo). O agresor foi detido no mesmo intre de
cometer o crime pero nunca confesou cales foran as causas que motivaran a
liorta, aínda que os veciños de San Acisclo sospeitaban que se podía tratar de problemas
de saias, por estar implicada unha rapaza de Carballido que acompañara varias
veces ao citado Bieito.
Nese mesmo ano, pero no mes de
novembro vemos como son denunciados no posto da garda civil de Foz un grupo de
xitanos que o dia 11, “habían estafado á
Josefa Pardo, esposa de Anselmo Fernández, de Santiago de Fazouro, la cantidad
de 100 pesetas, valiéndose para ello de un momento en que fué atacada por un
acceso de enagenación mental que sufre con frecuencia, ofreciéndole la curación
con palabras y otras cosas”. (El
Regional, 1894, 15 de novembro).
Volveremos a ter noticia da
presenza de xitanos en Fazouro en 1934. Nese ano podemos ler na prensa que como
ingresaba no hospital de Lugo Ramón Moreno Gabares, de etnia xitana, o que “formaba
parte de una caravana que acampaba en las inmediaciones de Fazouro viéndose
sorprendida por el tiroteo de unos desconocidos, durante el cual recibió una
herida Ramón Moreno, penetrándole la bala por la región frontal con salida por
la occipital”. (El Pueblo
Gallego, 1934, 7 de xaneiro).
Resulta habitual que antes de que
veciños comecen a pelexar entre si se produzan certos ataques previos, así lle
acontece á veciña do lugar de Alemparte, en Cangas, Rosa Trobo, quen en 1909 ve
como lle rompen os cristais a pedradas, resultando que o culpable era o seu
veciño de porta con porta Manuel Rodríguez Suárez “conocido por el sobrenombre de Chifre”. (.(El Progreso, 1909, 15 de setembro).
Outra liorta que ten lugar ao
volver dunha romaría é a que acontece en 1903 cando “al regresar de la Peregrina, romería que se celebró en la parroquia de
Cordido, Mondoñedo”, dous veciños da parroquia de Cangas, Francisco
Fernández e Francisco Fanego, comezan unha liorta entre eles que remata cando o
citado Fanego apuñala “por la espalda,
diez puñaladas, las siete primeras en el costillar de muy poca profundidad, y
las tres restantes en la cabeza, de las que está herido en estado grave”,
mentres que o Fanego ingresaba no cárcere de Mondoñedo. (El Eco de Santiago, 1903, 17 de setembro). Xa que estamos a
falar da crónica negra de Cordido deberíamos facer unha breve mención aos
irmáns Xosé e Clorindo Blanco Neira. O primeiro fora detido o 18 de agosto de
1909 por levar consigo unha navalla de grandes dimensións. O 29 de xullo de
1910 será detido polo mesmo crime. Por outra banda o 4 de setembro de 1918 seu
irmán Clorindo será detido acusado de roubar un cordeiro valorado en 20
pesetas. (El Progreso, 1909,
18 de agosto; 1910, 29 de xullo e 1918, 4 de setembro).
A garda civil de Foz detiña a Ramón
Penabad “como presunto autor del robo de
116,50 pesetas y una escritura al vecino de la parroquia de Villaronte, José
González Fernández, fue ejecutado
valiéndose de una escalera de mano y penetrando por una ventana de la planta
alta de la casa, estando dicho dinero en un cajón de una mesa, de donde se
sustrajo sin hacer violencia, lo cual parece indicar que era persona conocida
de casa y se valió de una llave falsa. El individuo detenido está casado con
una hija del robado y separado de la mujer hace dos meses. En el acto de ser
detenido le fueron ocupadas sesenta pesetas en monedas de plata”. Trala súa
detención foi enviado ao cárcere de Mondoñedo. (El Correo de Galicia, 1910, 25 de febreiro).
Era bastante habitual que os mozos
portasen armas cando ían a festas, a romarías, a feiras e a actos litúrxicos,
senón vexamos a incautación de armas que leva a cabo a garda civil en 1910 “en la función del Desenclavo que se celebró
el Viernes Santo, en la parroquia de Santa Cecilia, en Mondoñedo, fueron
decomisadas por la guardia civil del puerto
de Foz las siguientes armas”. (El
Progreso, 1910, 30 de marzo). A relación de armas é a seguinte:
Unha pistola de dos canóns a Antón
Díaz, veciño de Mor. Unha navalla de 21 centímetros a Antón Leal, veciño de
Carballido. Unha navalla de 23 centímetros a David Callón, veciño de Adelán.
Unha navalla de 24 centímetros “y de
muelles” a Xosé Peña. Unha navalla de 22 centímetros a Cándido Fernández,
veciño de Santa Cruz. Unha navalla de 21 centímetros a Anxo Martínez, veciño de
Alfoz. Unha navalla barbeira a Xosé Fernández, veciño de Mor. Unha navalla
barbeira a Xosé Couso, veciño de Ferreira.
Sen abandoar a parroquia de Santa
Cilla, debemos mencionar un suceso bastante
macabro. Trátase da aparición duns restos óseos en 1913 “y en una finca que pasa de veinte años que no fue cultivada, se
encontraron a flor de tierra, la calavera, algunas costillas, parte de los
huesos de los brazos, la mitad de un chaleco, una cartera, una navaja, un
espejo y una ganzúa”. (El Progreso,
1913, 28 de maio). A caveira conserva tan só dúas moas, o que lles fai supoñer
que se trataba dunha persoa ancián, ao esqueleto fáltanlle os osos da cintura
para abaixo debido á acción dos cans e das
aves carroñeiras.
O paso e os lindes de propiedades
son causa habitual de conflitos que acaban en liortas, así acontece en Cangas,
en 1916, cando varios veciños do lugar de Ribela comezan unha pelexa motivada
pola disputa “sobre el paso del ganado en
una finca”, resultando feridos un home e dúas mulleres “a consecuencia de las heridas inferidas con
hoces y piedras”. (El Progreso,
1916, 18 de outubro). En 1931 atopamos este motivo como causa da pelexa que
mantiveran dous veciños de Cangas chamados Rosa e Xaquín, este resultará ferido
na man cunha fouce “al pretender
arrebatársela cuando la Rosa intentaba agredirle con ella”, a razón da
disputa segundo o periódico era “la
entrada a una finca”.(El Progreso, 1931, 16 de setembro).
Os accidentes de caza son habituais
dentro do mundo da crónica negra, como lle acontece ao veciño de Fazouro Xosé
María Friol, “que se dedicaba a la caza
de mazaricos en el arenal de aquella playa, tuvo la desgracia de que al hacer
un disparo le reventase el arma, ocasionándole la fractura de la clavícula
izquierda”. (El Regional,
1914, 11 de decembro).
En 1925 atopamos a noticia dunha pelexa
entre dous veciños de Cangas, Xosé Eijo Martínez e Hilario Casas Eijo, este
último cortoulle a cara ao citado Xosé cunha navalla barbeira.(El Progreso, 1925, 9 de outubro).
En 1926 pelexaban, “el domingo por la
noche agrediéndose por antiguos resentimientos”, tres rapaces veciños de
Fazouro, un deles Eutimio Alonso López recibe unha puñalada no costado esquerdo
que lle asestaba Serafín Aguiar Eijo, “con
una navaja de pequeñas dimensiones”(El
Regional, 1926, 14 de outubro).
Dous anos despois, en 1928, vemos
outra pelexa entre veciños de Cangas, Xosé Saa Martínez e Xesús López Díaz,
este último rematou ferido tras recibir unha pedrada de Xosé Saa, que rematou
ante o xuíz de Foz.(El Progreso,
1928, 16 de febreiro).
Neste mesmo ano a garda civil de
Ferreira do Valadouro detén a Xosé Gasalla, á súa dona Cándida Arnau e a unha
irmá súa chamada Xaquina “los cuales
causaron a su convecino José García Doce, dos heridas producidas por arma
blanca, en la espalda, en riña que sostuvieron dichos indivíduos”. (El Progreso, 1928, 9 de
decembro).
Un criminal soe ir en aumento,
comezando por pequenos crimes e pasando a outros de maior calado, así o vemos
no caso de Xosé Ramón Río, veciño de Fazouro que o día 3 de maio de 1927 era
detido acusado de “hurto de dinero y
varias gallinas a Enrique Sampedro”. (El
Regional, 1927, 3 de maio). Tras roubarlle a este veciño de Vilaselán é
conducido ao xulgado de Ribadeo. Descoñecemos que multa ou sanción lle
impuxeron, pero non debeu de ser moita pois o 19 de maio, 16 días despois do
primeiro crime, é detido acusado de pretender “asaltar el almacén que en Rábade tiene el industrial don Nicanor Castro
González”. A detención levouse a cabo grazas a que varios veciños se
xuntaron para apresar ao ladrón, posteriormente foi conducido ao cuartel da
garda civil. Estando xa detido no cuartel “aprovechó
un descuido de los guardias para darse dos cortes de 6 centímetros en el cuello
con una navaja (…) El herido fue conducido ayer a Lugo ingresando en el
hospital donde fue asistido por el médico señor Latas que calificó su estado de
reservado”. (El Regional,
1927, 19 de maio).
Outras loitas entre veciños
débense a causas descoñecidas e así sabemos que un grupo de veciños de San Xoán
de Vilaronte pelexan “por antiguos
resentimientos entre las vecinas de la misma; Virginia Teijeiro Estua, Clarisa
Virosta y Carmen López Cagigal. De la contienda resultó la primera de las
citadas indivíduas con varias contusiones producidas con palos en los brazos,
piernas y cabeza” (El Progreso, 1929, 9 de xaneiro).
Aínda que tamén pode pasar que se
denuncien crimes que nunca chegaron a cometerse, así lle acontece á veciña de
San Acisclo, Severina Canoura, de 18 anos, que denunciara ante a garda civil “que de un baúl que tenía en su domicilio le
fueran robadas 400 pesetas” a garda civil investiga e chega a conclusión de
“que no existió el robo que se denuncia
por lo que se instruyó el oportuno atestado que se remitió al juzgado municipal
del término”. (El Progreso, 1935, 13 de agosto).
Como podemos ver pouco variaron as
causas que motivan e motivaron a nosa crónica negra.
No hay comentarios:
Publicar un comentario